Società da chatschaders Tasna

‹ › ×

facebook
mail

TASNA

SOCIETÀ DA CHATSCHADERS TASNA

Charas chatschadras

chars chatschaders ed amis da la chatscha grischuna

Nossa società unischa las chatschadras ed ils chatschaders da la regiun Lavin fin Ardez. Ella es commembra da l'associaziun grischuna da chatschaders da patenta.

Quista pagina es in prüma lingia l'organ d'infuomaziun per la società e seis commembers. Natüralmaing han eir na commembers quia access a quellas infuormaziuns, quai eir sco segnal da transparenza.

Nossa chatscha tradiziunala grischuna nun es ün privilegi da singuls, ella es ün privilegi, ün dret per minchün. La chatscha es ün servetsch a la publicità, ed ella funcziuna be cul sustegn e l'incletta da la publicità.

Perquai ün cordial ingrazchamaint a tuots, als chatschaders ed als na chatschaders.

NOVITATS/TERMINS

Causa corona votaziun in scrit:

Il virus da corona ha mis tuot ün pa sül cheu, eir pro nossa società chi ha gnü da desister da la radunanza da prümavaira e da dis da chüra. La radunanza da delegiats da luniun chantunala es gnüda strichada in sia fuorma oriunda. Vurs survgnis per posta o chattais eir quia ün formular per las elecziuns e votaziuns chantunalas. Sco adüna fà la suprastanza propostas cha vus chattais quia. Trametta inavo il formular ad Anton Priuli fin al plü tard als 20 da gün.

Causa corona ingüna cumprouva da tir:

Sco cha vus varat fingià dudi desista il chantun Grischun da l’obligaziun annuala da tir per chatschaderas e chatschaders per l’on 2020 causa il virus da corona. Quai voul dir cha chatschadras e chatschaders grischuns pon retrar la patenta da chatscha sainza la cumprouva da tir.